Plantun de Prouvènço

Pèr coumpara dos planto d'encò nostre

Roemeria hybrida & Inula salicina

Roemeria hybrida

Papaveraceae

Nom en français : Roemérie hybride.

Descripcioun :
Aquesto rousello-vióuleto es uno planto raro que trachis dins li meissoun mena en agriculturo traditiounalo o "bioulougico" (aquéu vèn d'un champ de caulet-rabo). Èi bèn poulideto e i'a pas pèr s'engana.

Usanço :
Li fueio soun manjadisso (Anatolìo, Grèço).

Port : Erbo
Taio : 15 à 50 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Roemeria
Famiho : Papaveraceae

Ordre : Ranunculales

Coulour de la flour : Vióuleto
Petalo : 4
Ø (o loungour) flour : 3 à 3,5 cm
Flourido : Printèms

Sòu : Ca
Autour basso e auto : Pancaro entresigna
Aparado : Noun
Mai à jun

Liò : Meissoun - Vignarés
Estànci : Termoumediterran à Subremediterran
Couroulougi : Arqueoufito
Ref. sc. : Roemeria hybrida (L.) DC., 1821

Inulo(-di-fueio-de-sause)

Inula salicina

Asteraceae Compositae

Nom en français : Inule à feuilles de saule.

Descripcioun :
L'inulo-di-fueio-de-sause trachis dins li prado e lis esclargido de blachiero. Fai un rizoumo, ço que douno de coulounìo, decop que i'a grando. Lou brout es en pinceloun (courimbo) de flour coumpausado jauno emé de bratèio proun torso devers lou bas. Sèmblo proun à sa cousino, l'inulo-di-fueio-de-rèino-de-prat, e fau bèn regarda li fueio pèr li destria. Inula salicina a de fueio plegado emé lou dessubre lisse, estacado quàsi à 90° de la cambo ; au contre, Inula salicina a de fueio mai plato emé lou dessubre ounte se vèson li costo, estacado de biais en raport emé la cambo. Coumpara emé l'inulo-di-fueio-de-rèino-de-prat.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Pichoto planto lignouso
Taio : 30 à 80 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Inula
Famiho : Asteraceae
Famiho classico : Compositae
Tribu : Inuleae

Coulour de la flour : Jauno
Petalo : >6
Ø (o loungour) flour : 3,5 à 4 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Jun à setèmbre

Liò : Prado - Blachiero
Estànci : Mesoumediterran à Mountagnard
Couroulougi : Éurasiatico-Cèntre-Ouèst
Ref. sc. : Inula salicina L., 1759

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Roemeria hybrida & Inula salicina

ges

Coumpara Rousello(-vióuleto) emé uno autro planto

Coumpara Inulo(-di-fueio-de-sause) emé uno autro planto